sangli crime news: सांगली जिल्ह्यातील कुची येथे झालेल्या घरफोडी प्रकरणात स्थानिक गुन्हे अन्वेषण शाखेने आरोपीस अटक करून ७ लाख ८० हजार रुपयांचे सोन्या-चांदीचे दागिने हस्तगत केले. संपूर्ण बातमी वाचा.
सांगली,(आयर्विन टाइम्स प्रतिनिधी):
स्थानिक गुन्हे अन्वेषण शाखा, सांगली (sangli) यांनी केलेल्या प्रभावी आणि तात्काळ कारवाईत घरफोडी करणाऱ्या एका आरोपीस अटक करण्यात यश मिळवले असून त्याच्याकडून तब्बल ७ लाख ८० हजार रुपयांचा सोन्या-चांदीचा मुद्देमाल हस्तगत करण्यात आला आहे. या कारवाईमुळे परिसरात घरफोडीच्या घटनांना आळा बसण्यास मदत होणार असून नागरिकांमध्ये समाधान व्यक्त होत आहे.
घरफोडीची घटना कधी आणि कशी घडली?
दि. ०८ डिसेंबर २०२५ रोजी सकाळी ०५.३० वाजता ते ०९ डिसेंबर २०२५ रोजी सकाळी ०६.०० वाजेच्या दरम्यान, कुची (ता. कवठेमहांकाळ, जि. सांगली -sangli) येथील रहिवासी सौ. सुरेखा आण्णासो पाटील (वय ४१) या परगावी गेल्या असताना त्यांच्या घराला कुलूप लावले होते.
परगावाहून परत आल्यानंतर घरातील सोन्या-चांदीचे दागिने चोरीस गेल्याचे त्यांच्या निदर्शनास आले. याबाबत त्यांनी कवठेमहांकाळ पोलीस ठाण्यात अज्ञात चोरट्याविरुद्ध फिर्याद दाखल केली होती. सदर गुन्हा गु.र.नं. ५०३/२०२५ बी.एन.एस. कलम ३३१(३), ३३१(४), ३०५ (अ) अंतर्गत दाखल करण्यात आला.
वरिष्ठ अधिकाऱ्यांच्या मार्गदर्शनाखाली तपास
पोलीस अधीक्षक श्री. संदीप घुगे व अपर पोलीस अधीक्षक श्रीमती कल्पना बारवकर यांच्या मार्गदर्शनाखाली, स्थानिक गुन्हे अन्वेषण शाखेचे पोलीस निरीक्षक संजिव झाडे यांनी या गुन्ह्याचा तपास स्थानिक गुन्हे अन्वेषण शाखेकडे सोपवला.
त्यानुसार सहायक पोलीस निरीक्षक पंकज पवार यांच्या नेतृत्वाखाली एक विशेष पथक तयार करण्यात आले.
गोपनीय बातमीद्वारे आरोपीचा माग काढला
तपासादरम्यान पथकातील अधिकारी व अंमलदारांना गोपनीय बातमीदारामार्फत ग्रे रंगाचा टी-शर्ट घातलेला एक इसम सोन्या-चांदीचे दागिने विक्री करण्याच्या उद्देशाने तानंग फाटा चौक परिसरात फिरत असल्याची खात्रीशीर माहिती मिळाली.
मिळालेल्या माहितीनुसार पथकाने तात्काळ तानंग फाटा परिसरात सापळा रचून संशयित इसमास पळून जाण्याची संधी न देता ताब्यात घेतले. चौकशीत त्याने आपले नाव प्रविण विठ्ठल निकम (वय ३२), रा. कुची, ता. कवठेमहांकाळ, जि. सांगली (sangli) असे सांगितले.
अंगझडतीत मोठा मुद्देमाल हस्तगत
दोन पंचांसमक्ष आरोपीची अंगझडती घेतली असता त्याच्याकडे खालीलप्रमाणे सोन्या-चांदीचे दागिने आढळून आले—
- ₹ ३,५०,००० – सोन्याचे गंठण (पदकासह) वजन ३८.३७० ग्रॅम
- ₹ २,००,००० – सोन्याचा लक्ष्मी हार, वजन १९.९८० ग्रॅम
- ₹ १,००,००० – सोन्याचा मिनी गंठण, वजन १०.३७० ग्रॅम
- ₹ १,००,००० – सोन्याची अंगठी, वजन ९.९९० ग्रॅम
- ₹ ३०,००० – एक जोड चांदीच्या पणत्या, एक चांदीचा मेखला, १४ नग चांदीच्या जोडव्या
👉 एकूण मुद्देमाल : ₹ ७,८०,००० (सात लाख ऐंशी हजार रुपये)
आरोपीचा कबुलीजबाब
चौकशीदरम्यान आरोपीने गुन्ह्याची कबुली दिली. फिर्यादी या त्याच्या नातेवाईक असून, त्या परगावी जाताना घराच्या चावीची जागा त्याला माहीत होती. त्याच माहितीचा गैरफायदा घेत त्याने घराचे कुलूप चावीने उघडून घरात प्रवेश केला व सोन्या-चांदीचे दागिने चोरी केल्याचे कबूल केले.
पुढील तपास कवठेमहांकाळ पोलीस ठाण्याकडे
सदर आरोपी व हस्तगत केलेला मुद्देमाल कवठेमहांकाळ पोलीस ठाण्याकडे जमा करण्यात आला असून, गुन्ह्याचा पुढील तपास कवठेमहांकाळ पोलीस ठाण्याच्या वतीने सुरू आहे.
कारवाई करणारे अधिकारी व अंमलदार
या यशस्वी कारवाईत पोह. संदीप नलवडे, सोमनाथ गुंडे, अमीरशहा फकीर, सागर लवटे, नागेश खरात, अनिल कोळेकर, महादेव नागणे, सागर टिंगरे, सतीश माने, संदीप गुरव, दरिबा बंडगर, मच्छिंद्र बर्डे, उदय माळी, विक्रम खोत, केरबा चव्हाण, तसेच सायबर पोलीस ठाण्याचे पोशि. अभिजीत पाटील यांचा उल्लेखनीय सहभाग होता. sangli crime news
✍️ अशीच स्थानिक घडामोडी, गुन्हेगारीविरोधी कारवाया आणि जनहिताच्या बातम्यांसाठी आमचा ब्लॉग नियमित वाचा.
