जत नगरपरिषद निवडणूक 2025: 7 नगराध्यक्ष व 94 नगरसेवक उमेदवारांचे भवितव्य मतपेटीत बंद; सरासरी 75. 68 टक्के मतदान मतमोजणी 21 डिसेंबरला

📰 जत नगरपरिषद निवडणूक 2025 प्रचंड उत्साह, ईर्षा आणि चुरशीच्या वातावरणात पार पडली. 7 नगराध्यक्ष व 94 नगरसेवक उमेदवारांचे भवितव्य मतपेटीत बंद झाले असून मतमोजणी नागपूर उच्च न्यायालयाच्या आदेशानुसार 21 डिसेंबरला होणार आहे. प्रभागनिहाय मतदानाचा आकडा व प्रतिष्ठेच्या लढतींचा सविस्तर आढावा.

जत,(आयर्विन टाइम्स प्रतिनिधी)

जत नगरपरिषद निवडणुकीत मंगळवारी प्रचंड उत्साह, ईर्षा आणि चुरशीच्या वातावरणात मतदान प्रक्रिया पार पडली. नगराध्यक्ष पदासाठी तब्बल ७ उमेदवार आणि नगरसेवक पदासाठी ११ प्रभागांतील २३ जागांसाठी ९४ उमेदवार रिंगणात असल्याने मतदारांमध्ये उत्सुकता व राजकीय तापमान शिगेला असताना अखेर सर्वांचे भवितव्य मतपेटीत बंद झाले आहे.

सुरुवातीपासूनच मतदारांमध्ये जाणवणाऱ्या स्पर्धा व गुप्त चर्चांमुळे शहरातील राजकीय समीकरणांची उत्सुकता वाढलेली दिसली. विशेषत: अनेक दिग्गज नेते एकमेकांच्या विरोधात उभे असल्याने या निवडणुकीकडे राज्यभरातील राजकीय वर्तुळाचेही लक्ष लागले होते.

⚠ मतदान केंद्रांवर काही ठिकाणी तणाव

सकाळपासूनच शांततेत सुरू असलेल्या मतदानाला दुपारी काहीशी कडवट चुरस दिसली.
प्रभाग क्र. ५ मध्ये भाजप उमेदवार सौ. प्रणिता गजानन यादव यांना पोलिसांनी धक्काबुक्की करत बाहेर काढल्याचा आरोप झाल्याने वातावरण तापले. मात्र उपविभागीय पोलीस अधिकारी सचिन थोरबोले यांनी योग्य वेळी हस्तक्षेप करून परिस्थिती नियंत्रणात आणली.

प्रभाग ३ व १० मध्येही उमेदवारांच्या हस्तक्षेपावरून किरकोळ वाद झाले. तथापि पोलिसांनी कडक बंदोबस्त ठेवल्याने निवडणूक शांततेत पूर्ण झाली.

हेदेखील वाचा: सोन्याळ विठुराया देवस्थानला ‘ब’ वर्ग तीर्थक्षेत्र दर्जा मिळवून देण्यात उमदी पोलिसांचे मोलाचे योगदान — समितीतर्फे सत्कार; 10 खुर्च्यांचा संच सप्रेम भेट

🔥 प्रतिष्ठेच्या लढतींनी रंगला राजकीय संघर्ष

नगराध्यक्ष पदासाठी झालेली लढत तिरंगी स्वरूपाची ठरली. प्रमुख दावेदारांमध्ये —
🔹 भाजप — डॉ. रविंद्र शिवशंकर आरळी
🔹 राष्ट्रवादी काँग्रेस अजित पवार गट + शिवसेना (ठाकरे) + बसप — सुरेश बाबुराव शिंदे
🔹 काँग्रेस + राष्ट्रवादी शरद पवार गट + महाविकास आघाडी — सुजय उर्फ नाना अशोकराव शिंदे

त्याचबरोबर तीन अपक्षही चुरशीने मैदानात असून हंगामी राजकीय समीकरणे व गुप्त रणनीतींची चर्चा मतदानदरम्यानही सुरूच होती.

🗳 प्रभागनिहाय मतदान आकडेवारी

एकूण मतदार : २८,०९०
एकूण मतदान : २०,५१९

विशेषत: प्रभाग ६, ५, ९, १० आणि ११ येथे मतदारांनी मोठी गर्दी दाखवून मतदान उच्चांकी केले.
या भागातील विक्रम ताड, विक्रम ढोणे, सचिन मदने, इम्रान गवंडी, लक्ष्मण एडके, मोहन कुलकर्णी, संतोष मोटे, संग्राम जगताप व मिथुन भिसे यांच्यातील स्पर्धा खास प्रतिष्ठेची म्हणून चर्चेत आहे.

⏳ आता प्रतीक्षा ‘निर्णय क्षणाची’ — मतमोजणी २१ डिसेंबरला

मूळ वेळापत्रकानुसार ३ डिसेंबरला मतमोजणी होणार होती. मात्र नागपूर उच्च न्यायालयाच्या आदेशामुळे मतमोजणी २१ डिसेंबरपर्यंत पुढे ढकलण्यात आली आहे.

त्यामुळे उमेदवार, समर्थक व नागरिकांमध्ये अतिरिक्त १८ दिवसांची अनिश्‍चिततेची धाकधूक निर्माण झाली आहे.
पक्षांतर्गत हालचाली, समीकरणे व मतमोजणीपूर्व रणनीती अधिक तीव्र होणार हे निश्चित.

🔍 कोणाच्या बाजूने कल?

मतदानानंतर शहरात गुप्त चर्चांचा पूर!
📌 महिला मतदारांचा कल निर्णायक?
📌 तरुण मतदारांनी मतदानाच्या रांगा वाढवल्या
📌 शहरातील नव्या मतदारांनी समीकरण बदलण्याच्या चर्चांना उधाण

पण मतपेट्यांचे तोंड उघडेपर्यंत सांगणे कठीण — जत नगरपालिका कोणाच्या हातात?
👉 २१ डिसेंबर हा शहर राजकारणातील ऐतिहासिक निर्णय दिवस ठरणार आहे.