उमदी पोलीस ठाणे हद्दीत रेशनिंग तांदूळ काळाबाजारात विक्रीसाठी वाहतूक करणाऱ्या टोळीवर धडक कारवाई. लवंगा गावाजवळ सापळा रचून पोलिसांनी ट्रक पकडला आणि तब्बल ३३ टन रेशन तांदूळ व ट्रक मिळून ₹३५,०३,२०० किमतीचा मुद्देमाल जप्त. एक जण अटक, एक फरार; गुन्हा अत्यावश्यक वस्तू अधिनियम १९५५ अंतर्गत.
जत,(आयर्विन टाइम्स प्रतिनिधी):
उमदी पोलीस ठाणे हद्दीत रेशनिंग तांदूळ काळाबाजारात विक्रीसाठी अवैधरित्या वाहतूक करणाऱ्या टोळीवर पोलिसांनी मोठी व प्रशंसनीय कारवाई केली आहे. पंढरपूर–विजापूर हायवेवरील लवंगा गावाजवळ सापळा रचून पोलिसांनी ट्रक अडवला आणि तपासणीदरम्यान या ट्रकमधून तब्बल ३३ टन रेशन तांदूळ जप्त करण्यात आला. यासोबत अशोक लेलॅंड कंपनीचा ट्रक मिळून एकूण ₹३५,०३,२०० किमतीचा मुद्देमाल ताब्यात घेण्यात आला आहे. या कारवाईत एक आरोपी अटक झाला असून एक फरार आहे.
🔍 गोपनीय माहितीवरून अचूक सापळा
दिनांक २५ नोव्हेंबर २०२५ रोजी सकाळी ७.३० वा. पोहेकॉ/१६४२ नामदेव काळेल यांना विश्वसनीय माहिती मिळाली की ट्रक क्रमांक KA 36 C 5852 मधून अवैध तांदळाची वाहतूक होणार आहे. तत्काळ कारवाई करत उमदी पोलिसांनी लवंगा गावाजवळ पाटील नाष्टा व किराणा स्टोअर्ससमोर सापळा रचून ट्रक रोखला.
तपासणीदरम्यान ट्रकमध्ये विविध रंगांच्या ७७६ गोण्यांमध्ये एकूण ३३,४४० किलो तांदूळ आढळला. शासन दरानुसार या तांदळाची किंमत ₹१०,०३,२०० इतकी आहे. तर ट्रकची किंमत ₹२५ लाख इतकी असून दोन्ही मुद्देमाल जप्त करण्यात आले आहेत.
👥 गुन्हा नोंद व आरोपी
या प्रकरणी जत पुरवठा विभागाचे निरीक्षण अधिकारी श्रीकांत चंद्रकांत चोथे यांच्या फिर्यादीवरून गुन्हा क्र. ३४६/२०२५ नोंदवण्यात आला आहे.
गुन्हा अत्यावश्यक वस्तू अधिनियम १९५५, कलम ३ व ७ अन्वये दाखल झाला आहे.
▪ अटक आरोपी : तिपन्ना हेबाळेवा मदार (वय ३९, रा. चन्नापूर, ता. रामदुर्ग, जि. बेळगाव)
— दिनांक २६ नोव्हेंबर २०२५ रोजी सकाळी ७.४२ वा. अटक
▪ फरार आरोपी : यल्लप्पा बालप्पा देसाई — पोलिसांच्या शोधात
👮♂️ कारवाईचे नेतृत्व व सहभाग
ही कारवाई
▪ पोलीस अधीक्षक संदीप घुगे,
▪ अपर पोलीस अधीक्षक कल्पना बारवकर,
▪ उपविभागीय पोलीस अधिकारी सचिन थोरबोले
यांच्या मार्गदर्शनाखाली पार पडली.
प्रत्यक्ष धाडीत —
API संदीप कांबळे,
पोसई सिद्धेश्वर गायकवाड,
पोहेकॉ माने,
पोहेकॉ काळेल,
पोकॉ स्वामी,
पोकॉ खोंडे
यांनी सहभाग घेतला.
या प्रकरणाचा पुढील तपास पोलीस उपनिरीक्षक सिद्धेश्वर गायकवाड करीत आहेत.
🚨 राशन तस्करीवर मोठा आळा
या कारवाईमुळे रेशन तांदळाचा मोठ्या प्रमाणातील अवैध पुरवठा रोखण्यात पोलिसांना यश मिळाले असून रेशन व्यवस्थेत होणाऱ्या भ्रष्ट आणि फसव्या व्यवहारांवर या कारवाईमुळे कठोर संदेश गेला आहे. ग्रामीण भागातील गरीब आणि पात्र लाभार्थ्यांच्या ताटातील हक्काचे धान्य काळाबाजारात पोहोचत असल्याच्या तक्रारीच्या पार्श्वभूमीवर ही मोहीम विशेष महत्वाची ठरली आहे.